نوئیڈا: کووڈ ہسپتال کے سکیورٹی اہلکار تنخواہ سے محروم

نوئیڈا میں کورونا دور میں کام کرنے والے کووڈ ہسپتال کے سکیورٹی اہلکار تنخواہ نہ ملنے کی وجہ سے پریشان ہیں۔

ایک طرف حکومت کورونا کے دوران کام کرنے والے کورونا واریئرس کو اعزاز سے نواز رہی ہے، وہیں دوسری جانب نوئیڈا کے کووڈ 19 ہسپتال میں تعینات سکیورٹی اہلکاروں کو تنخواہ نہ ملنے پر وہ سڑک پر اترنے پر مجبور ہیں۔ ان سکیورٹی اہلکاروں کو دو ماہ سے تنخواہ نہیں ملی ہیں۔

دو ماہ سے انہیں تنخواہ نہ ملنے کی وجہ سے وہ ہسپتال کے گیٹ پر جمع ہو گئے اور کام کرنے سے انکار کردیا۔

نوئیڈا کے سیکٹر 39 میں واقع کووڈ 19 ہسپتال کا افتتاح کچھ مہینے پہلے ہی اترپردیش کے وزیر اعلیٰ یوگی آدتیہ ناتھ نے کیا تھا۔

دو ماہ سے تنخواہ نہ ملنے کی وجہ سے ان سیکیورٹی اہلکاروں کا زندگی گزارنا بہت مشکل ہو رہا ہے۔ مکان مالک ان پر مکان خالی کرنے کے لیے زور دے رہا ہے۔