Gyanvapi Mosque Case: گیان واپی معاملے میں دو اسسٹنٹ ایڈوکیٹ کمشنر مقرر، سترہ مئی تک سروے مکمل کرنے کا حکم

وارانسی میں گیانواپی مسجد اور وشوناتھ مندر معاملے میں جاری تنازع پر وارانسی کی سول عدالت نے جمعرات کو اپنا فیصلہ سنایا اور کہا کہ 'کورٹ کمشنرز کو نہیں ہٹایا جائے گا۔ حالانکہ عدالت نے ایک اور ایڈوکیٹ کی تقرری کر دی ہے اور 17 مئی تک سروے کا کام مکمل کرنے کا حکم دیا ہے۔ Gyanvapi Mosque and Vishwanath Temple Dispute

وارانسی: گیان واپی مسجد اور وشوناتھ مندر معاملے میں جاری تنازع پر جمعرات کے روز وارانسی کی سول عدالت نے اپنا فیصلہ سنایا، عدالت نے کہا کہ 'کورٹ کمشنر کو نہیں ہٹایا جائے گا'۔ حالانکہ عدالت نے گیان واپی مسجد کیس میں پرانے کورٹ کمشنر اجے مشرا کے ساتھ دو اور وکیلوں ایڈوکیٹ اجے اور ایڈوکیٹ وشال سنگھ کو اسسٹنٹ ایڈوکیٹ کمشنر کے طور پر مقرر کیا ہے، جو اجے مشرا کے ساتھ کام کریں گے۔ بدھ کو تمام فریقوں کی سماعت مکمل ہوگئی تھی۔ تینوں ایڈوکیٹ کمشنر 17 مئی کو سروے رپورٹ داخل کریں گے۔ Gyanvapi Mosque and Vishwanath Temple Dispute

مسلم فریق شروع سے ہی مسجد میں سروے اور ویڈیو گرافی کی مخالفت کر رہا تھا۔ سروے کے دوران گیانواپی کیمپس کے باہر بھی ہنگامہ کیا گیا۔ سروے اور ویڈیو گرافی کو روکنے کا مطالبہ کیا گیا۔ قبل ازیں ہندو فریق نے عدالت میں کہا تھا کہ 'ایڈوکیٹ کمشنر کو مسلم فریق کی جانب سے بیریکیڈنگ کے دوسری طرف یعنی گیانواپی مسجد کے اندر اور تہہ خانے میں ویڈیو گرافی اور سروے کرنے کی اجازت نہیں دی گئی۔ ہندو فریق کی جانب سے یہ بھی کہا گیا کہ مسلم فریق نے انہیں گیانواپی مسجد اور تہہ خانے کے اندر جانے سے یہ کہہ کر روک دیا کہ عدالت کا ایسا کوئی حکم نہیں ہے'۔ Court rejects AIM request to change advocate commissioner in Gyanvapi mosque case Dispute

گیانواپی مسجد اور وشوناتھ مندر کے 6 معاملے پہلے سے ہائی کورٹ میں زیر بحث ہیں۔ ان میں سے 4 مقدمات میں فیصلہ محفوظ کیا جا سکتا ہے۔ اب دیگر کیسز میں بھی سماعت مکمل ہونے کے بعد فیصلہ سنایا جائے گا۔ اس معاملے پر کافی عرصے سے سماعت جاری ہے اور دونوں طرف سے مسلسل مختلف دلائل اور شواہد پیش کیے جا رہے ہیں۔