نوئیڈا میں کورونا کے مریضوں کی تعداد 200 سے تجاوز

گوتم بودھ نگر ضلع میں ایک بار پھر کورونا سے متاثرہ مریضوں کی تعداد 200 سے تجاوز کر کے 223 تک جا پہنچی ہے۔ جو یقیناً نوئیڈا کے لوگوں اور انتظامیہ کے لئے باعث تشویش ہے۔

نوئیڈا میں جس طرح سے کورونا کیسز میں تیزی سے اضافہ ہو رہا ہے، اس کے باوجود بھی لوگ زیادہ سنجیدہ نہیں ہیں۔

عوامی سطح پر پہلے جیسی بیداری بھی دیکھنے کو نہیں مل رہی ہے۔ کل 3 مریضوں کی موت واقع ہوئی تھی۔ وہیں متاثرہ 140 مریض صحت یاب ہوکر اپنے گھروں کو لوٹ گئے ہیں۔

اب تک ضلع میں کل 20،585 مریضوں نے کورونا کو شکست دی ہے۔ جبکہ مجموعی طور پر 80 مریض دم توڑ چکے ہیں۔

کووڈ رپورٹ

آج یہاں 1357 فعال کیسز کی اطلاعات ہیں۔ انتظامیہ کی جانب سے شادی و دیگر تقاریب میں شرکت پر کچھ پابندیاں عائد کی گئی ہیں، لیکن موجودہ حالات کو دیکھتے ہوئے ناکافی لگتی ہے۔