یوپی میں کورونا وائرس کے مریضوں کی تعداد میں اضافہ

محکمہ صحت کے جاری کردہ اعداد و شمار کے مطابق ریاست کے 68 اضلاع میں اب تک 3145 افراد مثبت پائے گئے ہیں جبکہ 63 لوگوں کی کورونا وائرس سے موت ہوئی ہے۔

اترپردیش میں کورونا وائرس سے متاثر مریضوں کی تعداد میں اضافہ ہوتا جا رہا ہے۔ اس سے اندازہ لگایا جاسکتا ہے کہ تیزی کے ساتھ ریاست میں کورونا وائرس کا پھیلاؤ بڑھتا ہی جا رہا ہے۔

یو پی کے 68 اضلاع میں کورونا کا پھیلاؤ

آج ضلع فتحپور کے ایک گاؤں میں ایک مریض کورونا پازیٹیو ملا ہے، پورے گاؤں کو سیل کر دیا گیا ہے۔ ابھی تک فتحپور گرین زون میں تھا۔

اس کے علاوہ آگرہ میں ایک سینئر صحافی کی کورونا وائرس سے موت ہوگئی ہے، بتایا جارہا ہے کہ اتر پردیش میں یہ صحافی کی پہلی موت ہے۔

دوسری ریاستوں سے اتر پردیش میں مزدوروں کو لے کر 69 ٹرین آچکی ہیں۔ 27 ٹرین کے ذریعے ایک دن میں تقریبا 30 ہزار لوگ آرہے ہیں۔ وزیراعلیٰ یوگی آدتیہ ناتھ نے مزدوروں سے اپیل کی ہے کہ وہ پیدل یا سائیکل سے سفر نہ کریں۔

لاک ڈاؤن کے چلتے صوبے میں "ای- ہاسپٹل" شروع کئے جائیں گے۔ 9 مئی پہلی فلائٹ شارجاہ سے لکھنؤ آئے گی۔