نوئیڈا: دو افراد کورونا سے متاثر

دہلی نوئیڈا بارڈر پر محکمہ صحت کی جانب سے کئے جارہے کورونا ٹیسٹ میں دو افراد مثبت پائے گئے۔

گوتم بدھ نگر: دہلی سے متصل نوئیڈا کو کورونا وائرس سے محفوظ رکھنے کے لئے دہلی نوئیڈا بارڈر پر کورونا کے اینٹیجن ٹیسٹ کا سلسلہ مسلسل جاری ہے۔ محکمہ صحت کی ٹیم نے آج دو مقامات پر کیمپ لگا کر دہلی سے آنے والے لوگوں کا کورونا ٹیسٹ کیا جس میں 2 افراد مثبت پائے گئے۔

وہیں دہلی سے آنے والے 106 مسافروں کا بوٹینیکل گارڈن میں اینٹیجن ٹیسٹ کیا گیا جہاں مجموعی طور پر 1 شخص کورونا مثبت پایا گیا۔

اس موقع پر ڈاکٹر ٹکم سنگھ نے کہا کہ کورونا وائرس کے پھیلاؤ کو روکنے کے لئے دہلی نوئیڈا بارڈر پر مزید اینٹیجن ٹیسٹ کیا جارہا ہے ۔