مئو میں کورونا پازیٹیو کیسز میں نمایاں کمی

اتر پردیش کے ضلع مئو میں کورونا وائرس کیسز کافی کم ہو گئے ہیں۔ محکمہ صحت کے ذمہ داروں کے مطابق اب ہر روز دس سے بھی کم کورونا پازیٹیو معاملے سامنے آرہے ہیں۔

ای ٹی وی بھارت سے بات چیت کے دوران مئو کے چیف میڈیکل آفیسر ڈاکٹر ستیش چندر سنگھ نے کہا کہ اب تک ضلع میں ایک لاکھ 75 ہزار سے زائد افراد کو کورونا ویکسین لگائی جا چکی ہے۔

مئو ضلع میں ہر روز ایک ہزار آر ٹی پی سی آر ٹیسٹ اور تقریباً ایک ہزار افراد کو ویکسین لگائی جارہی ہے۔

سی ایم او کے مطابق دیہی علاقوں میں اسکیم شروع کی گئی ہے شروع کی گئی ہے۔ اس اسکیم کا مقصد زیادہ سے زیادہ گاؤں اور پنچایتوں میں آر ٹی پی سی آر(RT PCR) ٹیسٹ اور کورونا ویکسینیشن مہم(corona vaccination) پہنچائی جائے۔

انہوں نے بتایا کہ 'اب تک ضلع کے تین بلاکس میں اس اسکیم کو شروع کیا جا چکا ہے۔ جلد ہی اس اسکیم کو پورے ضلع میں نافذ کردیا جائے گا۔

واضح رہے کہ مئو ضلع میں کورونا پازیٹیو معاملوں میں کمی کے پیش نظر پابندیوں میں پہلے ہی کافی کمی کر دی گئی ہے۔