کوروناوائرس کے مریضوں کی تعداد میں اضافہ

مہلک عالمی وبا کورونا وائرس کی تعداد میں اضافے کا سلسلہ مسلسل جاری ہے، اسی ضمن میں مرادآباد میں کورونا کے مریضوں میں ایک بار پھر اضافہ درج کیا گیا ہے۔

ریاست اترپردیش کے شہر مرادآباد میں کوروناوائرس مثبت ہونے کی وجہ سے کورونا مریضوں کی تعداد میں مسلسل اضافہ ہوتا جارہا ہے۔

واضح رہے کہ مرادآباد کے تھانہ سول لائن علاقے میں ہیمگری کالونی میں ایک کورونا پازیٹیو مریض کی تصدیق کے بعد ہنگامہ برپا ہوگیا۔

اطلاع ملتے ہی پولیس اور صحت عملہ کی ٹیم اس علاقے میں پہنچی، اور ایک کلومیٹر کے علاقے کو سیل کردیا گیا اور کورونا مثبت مریض کے مکان کے چار افراد کو کوارنٹین کردیا گیا ہے۔

واضح رہے کہ ایک نجی لیب میں کورونا کی جانچ کی گئی اور جب رپورٹ آئی تو مریض کورونا پازیٹب نکلا۔

وہیں اس واقعے کے بعد پولیس اعلان کررہی ہے اور لوگوں کو گھر پر رہنے کی ہدایت کر رہی ہے۔

واضح رہے کہ ابھی تک مرادآباد میں کورونہ مثبت مریضوں کی مجموعی تعداد 117 ہوگئی ہے، اور کورونا وبا سے اب تک سات افراد کی موت ہوچکی ہے۔

یال رہے کہ اب تک ےقریباً 65 کورونا مثبت مریض صحتیاب ہوچکے ہیں، اور 45 کورونا مریضوں کا علاج جاری ہے۔