فیروز آباد:کورونا متاثرہ کی موت، 3نئے مریضوں کی تشخیص

اترپردیش کے ضلع فیروز آباد میں ہفتہ کو ایک کورونا وائرس متاثرہ مریض کی موت ہوگئی جبکہ دیگر تین افراد کی کورونا وائرس رپورٹ مثبت پائی گئی ہے۔

ریاست اترپردیش کے ضلع فیروزآباد میں ہفتہ کو کورونا وائرس کے تین نئے مثبت کیس سامنے آئے ہیں جبکہ ایک شخص کے ہلاک ہونے کی تصدیق ہوئی ہے، مجموع طور ضلع فیروز آباد میں کورونا وائرس متاثرین کی تعداد بڑھ کر 244ہوگئی۔

سرکاری ذرائع نے بتایا کہ ہفتہ کی صبح ایک بزرگ مریض کی موت ہوگئی۔ ضلع میں کورونا وائرس سے مرنے والوں کی تعداد 11تک پہنچ چکی ہے۔ انہوں نے بتایا کہ ہفتہ کو تین مشتبہ مریضوں کی جانچ رپورٹ مثبت آئی ہے۔

ضلع میں مجموعی 244مریضوں میں سے 194 مریض صحت یاب ہوکر اپنے گھروں کو جا چکے ہیں۔

انہوں نے مزید بتایا کہ اس وقت ضلع میں 37مریضوں کا علاج جاری ہے۔ ضلع فیروز آباد سے دو مریضوں کو دہلی اور لکھنؤ کے لئے ریفر کیا گیا ہے۔