مظفر نگر: کورونا کیسز میں مسلسل اضافہ، عوام میں اضطراب

مظفر نگر میں کورونا وائرس کے 55 نئے مثبت کیسز ملنے سے عوام میں بے چینی پائی جارہی ہے۔ ساتھ ہی 33 کورونا مریض آج صحتیاب ہوکر اپنے گھر بھی گئے۔

ریاست اترپردیش کے ضلع مظفر نگر میں کورونا وائرس مسلسل بڑھتا ہی جا رہا ہے جس کی وجہ سے عوام کافی پریشان دکھائی دے رہے ہیں۔ آج بھی ضلع میں 55 مثبت کیسز سامنے آئے ہیں۔ جس کے بعد ضلع انتظامیہ میں ہلچل مچ گئی ہے۔ آج موصول ہوئی 981 رپورٹ میں سے 55 افراد کے رپورٹ مثبت پائے گئے ہیں اور دیگر تمام رپورٹیں منفی آئی ہیں۔

مظفر نگر: کورونا کیسز میں مسلسل اضافہ، عوام میں بے چینی

راحت کی بات یہ ہے کہ آج 33 کورونا مثبت مریض ٹھیک بھی ہوئے ہیں۔ اس طرح سے ضلع میں اب کورونا مثبت مریضوں کی تعداد 509 ہوگئی ہے۔ ضلع مظفر نگر میں اب تک 90 سے زائد کورونا مثبت مریضوں کی موت بھی ہوچکی ہے۔

آج مظفر نگر میں جو کورونا وائرس کے 55 نئے کیسز سامنے آئے ہیں۔ ان میں سے کچھ مریضوں کو مظفر نگر بیگراج پور میڈیکل کالج کے آئسولیشن وارڈ میں رکھا گیا ہے اور کچھ کو ہوم آئسولیٹ کیا گیا ہے۔ میڈیکل کالج کے ڈاکٹروں کی ٹیم پہلے ہی تقریباً 6743 کے قریب متاثرہ افراد کو صحتیاب کرچکی ہے۔