لوہری کے تہوار پر زرعی قوانین کی کاپیاں نذر آتش

مظفر نگر بھارتیہ کسان یونین نے زرعی قوانین کے خلاف احتجاجی مظاہرہ کرتے ہوئے شہر کے مرکزی چوراہے پر زرعی قوانین کی کاپیاں جلا دیں۔

اترپردیش کے ضلع مظفر نگر میں بھارتیہ کسان یونین کے قومی صدر کی کال پر مظفرنگر ضلع کے مرکزی چوراہے شیو چوک پر زرعی قوانین کے خلاف مظاہرہ کرتے ہوئے تینوں زرعی قانون کی کاپیوں کو نذر آتش کی گئیں۔

بھارتیہ کسان یونین کے مہانگر صدر بیکیو شاہد عالم نے کہا کہ جب تک زرعی قوانین کو مرکزی حکومت واپس نہیں لے لیتی تب تک کسان یونین اس کی مخالفت کرتی رہے گی۔ اسی کڑی میں آج زرعی قوانین کی کاپیاں جلائی گئی ہیں۔

لوہری کے تہوار پر زرعی قوانین کی کاپیاں نذر آتش

اس مظاہرے میں میڈیا انچارج شکتی سنگھ، مہانگر صدر شاہد عالم، راشد قریشی اور بھارتیہ کسان یونین کے درجنوں کارکنان مظاہرے میں موجود رہے۔