شیعہ وقف بورڈ کے چیئر مین کا متنازعہ بیان

وسیم رضوی نے جمعرات کو ایک بیان جاری کرتے ہوئے کہا کہ 'نظام الدین مرکز سے لوگ موت باٹنے کے لئے نکلے تھے'، اور اپنے سفر کے دوران ہزاروں لوگوں میں کورونا وائرس تقسیم کئے۔

ریاست اتر پردیش کے لکھنؤ میں شیعہ وقف بورڈ کے چیئرمین وسیم رضوی نے پھر ایک بار مرکز نظام الدین سے متعلق بیان دے کر ملک میں کھلبلی مچا دی ہے۔

شیعہ وقف بورڈ کے چیئرمین وسیم رضوی نے جمعرات کو ایک بیان جاری کرتے ہوئے کہا کہ 'نظام الدین مرکز سے لوگ موت باٹنے کے لئے نکلے تھے'، اور تبلیغی جماعت کے لوگوں نے اپنے سفر کے دوران ہزاروں لوگوں میں کورونا وائرس تقسیم کئے جبکہ مسجد اللہ کی رحمت کے لئے ہوتی ہے، نہ کہ موت بانٹنے کے لئے۔ لیکن ان تبليغي جماعت کے لوگوں نے مسجد کو ہی موت کا گھر بنا دیا'۔

رضوی نے اپنے بیان میں یہ بھی کہا کہ تبليغی جماعت کے سربراہ مولانا محمد سعد کے خلاف بھارت میں وبا پھیلانے اور قتل کرائے جانے جیسا مقدمہ درج کیا جانا چاہئے۔ انہوں نے کہا کہ تبليغی جماعت کے کسی بھی شخص کی موت ہوتی ہے، تو اس کا ذمہ دار محمد سعد کو مانتے ہوئے سزائے موت دینا چاہئے۔