Congress Workers Protest In Meerut: میرٹھ میں کانگریس کارکنان کا احتجاج

میرٹھ میں کانگریس پارٹی کی ضلع اور شہر یونٹ کی جانب سے راہل گاندھی کی پارلیمنٹری رکنیت معطلی کے خلاف آج ضلع کلکٹریٹ آفس کے باہر زبردست احتجاج کیا گیا۔کانگریس کے حامیوں نے اپنی ناراضگی کا اظہار کرتے ہوئے راہل گاندھی کی رکنیت کو بحال کرنے کا مطالبہ بھی کیا. Congress Workers Protest In Meerut

میرٹھ:ریاست اترپردیش کے میرٹھ سمیت مختلف اضلاع میں راہل گاندھی کی پارلیمنٹ میں رکنیت معطل کئے جانے کے خلاف کانگریس کے حامیوں نے جم کر احتجاج کیا اور بی جے پی کی قیادت والی مرکزی حکومت کے خلاف نعرہ بازی کی۔

راہل گاندھی کی پارلیمنٹری رکنیت کی معطلی کے خلاف آج کانگریس کے کارکنان نے میرٹھ میں ضلع کلکٹریٹ آفس کے باہر احتجاجی مظاہرہ کیا۔کانگریس لیڈران کے مطابق جمہوریت کو کمزور بنانے والی مودی حکومت کی زیادتیاں بڑھتی جا رہی ہے۔ اسی کو لیکر ’’آئین بچاؤ - ملک بچاؤ‘‘ کے تحت ضلع مجسٹریٹ کے دفتر پباہر احتجاج کیا گیا۔ ملک میں جمہوریت کو بچانے کے لئے سڑکوں پر اتریں۔

سینئر لیڈر و ضلع صدر کانگریس اونیش کاجلا اور شہر صدر کانگریس زاہد انصاری کی قیادت میں پارٹی کے عہدیداروں اور کارکنان نے بی جے پی کی قیادت والی مرکزی حکومت کے خلاف احتجاج کیا۔کارنگریس کے سینکڑوں کارکنان نے ناراضگی کا اظہار کیا ۔

کانگریس لیڈران کا الزام ہے کہ راہل گاندھی اڈانی اور امبانی کے خلاف کارروائی کا مطالبہ کر رہے ہیں۔وہ پارلیمنٹ میں پر مسلسل اس کے خلاف آواز بلند کرر ہے ہیں ۔راہل گاندھی کی جانب سے مسلسل تنقید اور ان کے کارروائی کے مطالبے سے بی جے پی کی نگرانی والی مرکزی حکومت بے چین ہوتی جا رہی ہے ۔

انہوں نے کہاکہ راہل گاندھی کی آواز دبانے کے لئے ہی ان کی پارلیمنٹ کی رکنیت معطل کی گئی ہے تاکہ وہ بی جے پی کی حکومت اور اڈانی کے خلاف کچھ نا بول سکے ۔