ملک میں عالمی وبا کورونا وائرس کی دوسری لہر میں طبی سہولتوں کا فقدان ہے لوگ در در کی ٹھوکریں کھا رہے ہیں۔
اس کے پیش نظر اب سیاسی پارٹیاں عوام کی مدد کے لیے میدان اتر گئی ہیں، بنارس کے آئی ایم اے بلڈنگ میں آج کانگریس پارٹی کے کارکنان نے کثیر تعداد میں جمع ہوکر خون عطیہ کیا۔
اس موقع پر کانگریس پارٹی کے سینئر رہنما اجے رائے نے میڈیا سے بات کرتے ہوئے کہا کہ جب پہلی بار لاک ڈاؤن لگا تھا، اس وقت بھی کانگریس پارٹی کے کارکنان نے خون کا عطیہ کیا تھا۔ اب سے کچھ دنوں پہلے بھی کانگریس کے سپاہیوں نے خون عطیہ کیا تھا اور اس بار پھر جب بلڈ بینک میں خون کی قلت ہے تو ایسے میں پارٹی کے نوجوان کارکنان نے خون عطیہ کر عوام کی خدمت کا عزم کیا ہے۔
انہوں نے کہا کہ کانگریس پارٹی عوام کے تحفظ ان کی پریشانی میں مدد کے لئے ہمیشہ پیش پیش رہی ہے اب جب پورے ملک میں کورونا وائرس کا سخت قہر ہے ایسے میں کانگریس پارٹی کے کارکنان اپنا خون دے کر عظیم عطیہ کررہے ہیں۔
انہوں نے سماجی کارکنان سے بھی اپیل کیا ہے کہ لوگوں کو پلازمہ کی سخت ضرورت ہے ایسے میں سماجی کارکنان سامنے آئیں اور خون دے کر کے عوام کی خدمت کریں۔