'کسانوں کے لئے کانگریس کی جدوجہد جاری رہے گی'

ریاستی صدر نے یوپی میں خراب نظم ونسق پر سوال اٹھاتے ہوئے کہا کہ یوگی حکومت میں خواتین پر لگاتار مظالم ڈھائے جارہے ہیں۔ ہاتھرس معاملے میں حکومت حقائق کو چھپارہی ہے

اترپردیش کانگریس کمیٹی کے صدر اجے کما ر للو نے کہا ہے کہ پارلیمنٹ سے پاس کئے گئے کسان مخالف قانون کے خلاف کانگریس کی لڑائی جاری رہے گی۔

شہر کے مہاویر چوک میں منعقد کسان مہا سمیلن میں بطور مہمان خصوصی خطاب کرتے ہوئے مسٹر للو نے کہا 'کسان مخالف اس قانون کے واپسی تک کسان اپنی جدوجہد کو جاری رکھے گی'۔

انہوں نے ہاتھرس واقعہ کا ذکر کرتے ہوئے کہا کہ ہم متاثرہ کنبے سے ملنے کےلئے جاتے وقت سابق صدر راہل۔پرینکا کے ساتھ پولیس کے ذریعہ کی گئی بدسلوکی کی سخت لفظوں میں مذمت کرتے ہیں۔

ریاستی صدر نے یوپی میں خراب نظم ونسق پر سوال اٹھاتے ہوئے کہا 'یوگی حکومت میں خواتین پر لگاتار مظالم ڈھائے جارہے ہیں۔ ہاتھرس معاملے میں حکومت حقائق کو چھپارہی ہے اور یہی وجہ ہے کہ میڈیا نمائندوں اور سیاسی لیڈروں کو وہاں جانے سے روکا جارہا ہے'۔

انہوں نے پھول گڑھی جانے پر آر ایل ڈی کے نائب صدر جینت چودھری و پارٹی کارکنوں پر پولیس کی بربر لاٹھی چارج کی بھی مذمت کی۔