حکومت کے خلاف کانگریس کی احتجاجی ریلی

ریاست اترپردیش کے نوئیڈا میں کانگریس کمیٹی نے شرح بجلی اور پیٹرولیم کے اضافے کے خلاف جلوس نکالا۔ مکیش یادو کی قیادت میں یہ لالٹین جلوس نکالا گیا ۔ جلوس سیکٹر 18 سب مال سے اٹا پیر تک جاری رہا۔

نوئیڈا شہر کے کانگریس صدر مکیش یادو نے کہا کہ 'بی جے پی حکومت کے ذریعے اتر پردیس میں بجلی کی شرح اور پیٹرولیم ڈیزل کی قیمتوں میں بےپناہ اضافہ سے عوام میں مایوسی، بے بسی اور افراتفری کا ماحول ہے۔

انہوں نے مزید کہا کہ 'پورا ملک مندی کی مار جھیل رہا ہے۔ نوجوانوں کو نوکریاں نہیں مل رہی۔ کاروباریوں کے پاس کام نہیں ۔ریئل اسٹیٹ پوری طرح بربادی کی زد میں ہے۔ کسان مزدور، نوجوان سب بیکار بیٹھے ہیں۔ مہنگائی اپنے عروج پر ہے ۔

حکومت کے خلاف کانگریس کی احتجاجی ریلی

جلوس میں اتر پردیس کانگریس کمیٹی کے رکن راجکمار تنور، یوپی کانگریس کمیٹی کے رکن ستیندر شرما، یو پی کانگریس کمیٹی کے رکن لیاقت چودھری، یوتھ کانگریس گوتم بدھ نگر کے صدر پرشوتم ناگر، للت اوانا،کانگریس اقلیتی کے شہر چیئرمین محمد گڈو، یتیندر شرما وغیرہ موجود تھے۔