اسی معاملے میں بارہ بنکی کے کانگریس کارکنان نے وزیراعلیٰ یوگی آدتیہ ناتھ کا پتلا نذر آتش کیا اور اس واردات کے ملزمین کا انکاؤنٹر کئے جانے کا مطالبہ کیا۔
بارہ بنکی کے پولیس لائن چوراہے پر کانگریس کارکنان حکومت اور وزیراعلیٰ یوگی آدتیہ ناتھ کے خلاف نعرہ لگاتے ہوئے یکجا ہوئے۔
اس کے بعد مٹی کا تیل ڈال کر وزیراعلیٰ کے پتلے کو نذر آتش کر دیا۔
کانگریس کارکنان کا الزام ہے کہ یوگی حکومت کے دوران جرائم تھمنے کا نام نہیں لے رہے ہیں۔ خواتین پر جرائم کے سلسلے بڑھ رہے ہیں اور حکومت تک میں مجرم بیٹھے ہیں۔ ایسے میں انصاف ملنا مشکل ہے۔
کانگریس کارکنان کا مطالبہ ہے کہ اناؤ اجتماعی آبروریزی کے معاملے کے ملزمان کا بھی حیدرآباد کی طرح انکاؤنٹر کیا جائے۔