'کسانوں کے بجائے تاجروں کی مدد کر رہی ہے حکومت'

پیٹرول۔ ڈیزل کی اضافی قیمتوں کے خلاف کانگریس کا احتجاج جاری ہے۔ اسی سلسلے میں پیر کے روز بارہ بنکی میں کانگریس کارکنان نے پارٹی کے راجیہ سبھا رکن پی ایل پنیا کی قیادت میں ایک روزہ دھرنا دے کر اپنی مخالفت درج کرائی۔

اس دوران پی ایل پنیا نے مرکز کی مودی حکومت پر شدید تنقید کی۔ کانگریس کارکنان نے چھایا چوراہے واقع کانگریس دفتر کے سامنے چلہاری پارک میں حکومت کے خلاف جم کر نعرے بازی کی۔

اس دوران پارٹی کے قومی ترجمان پی ایل پنیا نے کہا کہ ڈیزل کی قیمتوں میں اضافے سے کسانوں کی لاگت بڑھ جائے گی۔

انہوں نے کہا کہ ایک سروے میں یہ پہلے ہی ثابت ہو چکا ہے کہ کسانوں کی کاشت مہنگی ہو گئی ہے۔ اس کے علاوہ تمام اشیاء کی قیمتوں میں بھی اضافہ ہوگا۔

انہوں نے کہا کہ یہ ثابت ہو چکا ہے کہ حکومت کسانوں کو مدد کرنے کے بجائے تاجر گھرانوں کی مدد کر رہی ہے۔