بارہ بنکی: اب بدعنوانی کے خلاف کانگریس متحرک

ریاست میں کانگریس عوام کے لئے سیاسی متبادل بن سکے، اس کے لئے کانگریس مسلسل کوشاں ہے۔ لاک ڈاؤن کے دوران مسلسل عوام کی خدمت، پھر ریاستی صدر اجئے کمار للو کی رہائی کو لیکر مسلسل 25 روز تک تحریک چلانے کے بعد اب کانگریس بدعنوانی کے خلاف متحرک ہونے جا رہی ہے۔

کانگریس نے ٹیچرس تقرری بدعنوانی اور مویشی پروری بدعنوانی کے خلاف مہم شروع کر دی ہے۔

بارہ بنکی سمیت ریاست کے تمام اضلاع میں اس مہم کی شروعات ہو گئی ہے۔ پہلے مرحلے کے تحت کانگریس کارکنان نے ان دونوں بدعنوانی کے خلاف گورنر کو معرفت میمورنڈم دیا ہے۔

اس میں ان دونوں بدعنوانی کی تحقیقات ہائی کورٹ کے سٹنگ جج سے کرانے اور متعلقہ محکموں کے وزراء سے استعفیٰ کا مطالبہ کیا گیا ہے۔

اس کے بعد کانگریس اوپواس کرے گی اور ان بدعنوانی کو منظر عام پر لانے کے لیے سماجی فاصلے کا خیال رکھتے ہوئے مختلف طریقوں سے احتجاج کرے گی۔

کانگریس کا کہنا ہے کہ بی جے پی حکومت بدعنوانی کے خلاف زیرو ٹالرینس کی بات تو کرتی ہے، لیکن اس کہنے اور کرنے میں فرق ہے۔

اسلئے وہ اس کورونا وباء کے دوران متحرک اور وہ ان حساس مسائل پر اپوزیشن کی دیگر پارٹیوں کی طرح خاموش نہیں رہ سکتی۔