دگ وجے کے بیان سے کانگریس نے کنارہ کیا

کانگریس کے سینیئر رہنما اور مدھیہ پردیش کے سابق وزیراعلیٰ دگ وجے سنگھ متنازع بیان دینے کے بعد الگ تھلگ پڑ گئے ہیں۔

دگ وجے سنگھ کے متنازع بیان کے بعد کانگریس پارٹی نے اس سے علیحدگی کا اظہار کیا ہے

کانگریس کے سینیئر رہنما اور قومی ترجمان پی ایل پنیا نے بارہ بنکی میں ایک پریس کانفرنس کے دوران دگ وجے سنگھ سے متعلق سوال پر کہا کہ 'دگ وجے سنگھ کا بیان اپنا ہو سکتا ہے، ان کے اپنے ذرائع ہوں گے۔ وہ اس کے بارے میں خود صفائی دیں گے۔'

غور طلب ہے کہ دگ وجے سنگھ نے بی جے پی اور بجرنگ دل پر سنسنی خیز الزام لگاتے ہوئے کہا ہے کہ مسلمانوں سے زیادہ غیر مسلم آئی ایس آئی سے فنڈ لے کر جاسوسی کرتے ہیں۔