اجئے کمار للو کی رہائی کے لیے 'کانگریس کا سیوا ستیہ گرہ'

اترپردیش کانگریس کمیٹی کے ریاستی صدر اجئے کمار للو کی رہائی کے لئے کانگریس پارٹی نے 6 سے 12 جون تک ایک انوکھی مہم چلانے جا رہی ہے. سیوا ستیہ گرہ نام کی اس مہم میں کانگریس تمام اضلاع میں مہا رسوئی شروع کرے گی. جس میں 25 لاکھ افراد کو ایک وقت کا کھانا مہیا کرایا جائے گا، ساتھ ہی. للو کی رہائی کے لئے ریاست میں 10 لاکھ پوسٹر چسپہ کئے جائیں گے۔

بارہ بنکی میں کانگریس پارٹی کے ریاستی ترجمان تنج پنیا نے بتایا کہ 6 جون سے شروع ہونے والی اس مہم کا مقصد لوگوں کی خدمت کرنا ہے۔اس مہم کا تھیم 'سیوا کی ہوگئی وجئے' ہے۔

انہوں نے بتایا کہ پارٹی کارکنان اس مہم میں کانگریس کا سپاہی، مزدور کا بھائی نعرہ کے ساتھ اتریں گے اور ریاست میں 7 روز تک 25 لاکھ غریب افراد کو ایک وقت کا کھانا تقسیم کریں گے۔

انہوں نے بتایا کہ لاک ڈاؤن کی وجہ سے وہ کوئی مظاہرہ یہ احتجاج نہیں کر سکتے. اسلئے وہ غریبوں کو کھانا کھلا کر ریاستی صدر للو کی رہائی کا مطالبہ کریں گے۔ انہوں نے کہا کہ ہم نے اب تک اجئے کمار کی رہائی کے لئے تمام میمورنڈم دے چکے ہیں. لیکن اگر اس مہم کے بعد بھی ان کی رہائی نہ ہوئی تو پارٹی اعلی سطح کی احتجاج کرنے کو مجبور ہوگی.