نوئیڈا میں کانگریس کمیٹی کا اجلاس

نوئیڈا میں کانگریس کمیٹی کی جانب سے مہانگر صدر شہاب الدین کی قیادت میں آج ایک میٹنگ کا انعقاد کیا گیا، جس میں اترپردیش انتخاب کے موضوع پر تبادلہ خیال کیا گیا۔

نوئیڈا: آل انڈیا کانگریس کمیٹی کی جانب سے نوئیڈا مہا نگر صدر شہاب الدین کی قیادت میں آج ایک میٹنگ کا انعقاد کیا گیا، جس میں نوئیڈا ودھان سبھا کے تمام کانگریس کارکنان نے شرکت کی۔

اس میٹنگ میں کانگریس کے سبھی عہدیداروں میں تقریبا 1100 دیوار گھڑیاں تقسیم کی گئی، ان دیوار گھڑیوں کے ذریعے کانگریس ملک میں تبدیلی لانے کا خواب دیکھ رہی ہے۔

اس سلسلے میں دنیش آوانا ایڈووکیٹ نے بتایا کہ کانگریس کے کارکنان اب گھر گھر جاکر "وال کلاک' لوگوں میں تقسیم کر کے کانگریس کا ہاتھ مضبوط کرنے کا کام کریں گے۔

اس دوران پر اتراکھنڈ کے کچھ لوگوں نے شہاب الدین سے ملاقات کی اور کانگریس پارٹی کو مکمل حمایت دینے کا وعدہ کیا۔

اس موقع پے نوئیڈا شہر کے صدر شہاب الدین، ​​آل انڈیا کانگریس کے رکن دنیش آوانا اور راج کمار بھارتی، نوئیڈا کے نائب صدر پنڈت پرمود شرما، ریاستی سکریٹری حسمت رانا کے علاوہ دیگر رہنما موجود تھے۔