ریاست اترپردیش میں کانگریس پارٹی نے شہاب الدین کو نوئیڈا شہر کی ذمہداری سونپی ہے، ذمہداری آتے ہی شہاب الدین نے کانگریس کارٹی کو مستحکم کرنے کے لیے محنت، لگن اور کافی مستعدی سے کام کر رہے ہیں۔
اس سے قبل وہ ایک سماجی کارکن کے طور پر کافی مقبول تھے لیکن جب سے پارٹی کی ذمہ داری عائد کی گئی ہے وہ دن و رات پارٹی کے لیے زمین تیار کرنے میں انتہائی سرگرم ہیں۔
اس سلسلے میں انہوں نے گوتم بدھ نگر یوتھ کا نگریس کے ضلعی صدر پرشوتم ناگر کے ساتھ امام فاؤنڈیشن نوئیڈا کے صدر مفتی خلیل احمد قاسمی، مرغا مچھلی بیاپار ایسو سی ایشن کے صدر امجد حسین عرف کلو بھائی، محمد تمیم ودیگر کے ساتھ ملاقات کر کے نوئیڈا میں تنظیمی سطح پر پارٹی کو مضبوط کرنے کے لئے تبادلہ خیال کیا۔
علاوہ ازیں انہوں نے اترپردیش پولیس کی جانب سے بے قصور عوام کے خلاف بربریت اور اس پر ریاستی حکومت کی خاموشی کی سخت الفاظ میں مذمت کی۔