ضلع مجسٹریٹ ہری پرتاپ شاہی نے بتایا کہ ابھی تک گرین زون میں شامل بلیا میں پیر کو کورونا وائرس کے پہلے کیس کی تصدیق ہوئی ہے۔
انہوں نے بتایا کہ بیریا علاقے کے چاند دئیر گاؤں کا رہنے والا متاثرہ شخص چار مئی کو ٹرین سے اپنے دس ساتھیوں کے ساتھ احمدآباد سے جونپور پہنچا تھا۔ پانچ مئی کو جونپور میں تھرمل اسکریننگ کے بعد اسے بس سے بلیا بھیجا گیا تھا۔
انہوں نے بتایا کہ بلیا سے آنے پر سبھی کو ایک اسکول میں قرنطینہ میں رکھا گیا تھا اور ان کے نمونے جانچ کے لئے بھیجے گئے تھے۔
پیر کو موصول رپورٹ میں ایک شخص میں کورونا وائرس کی تصدیق ہوئی ہے۔ بقیہ افراد کی رپورٹ منفی آئی ہے۔ پرتاپ شاہی نے بتایا کہ ایک رپورٹ مثبت آنے کے بعد بقیہ نو لوگوں کو انسٹی ٹیوشنل کوارنٹائن کرتے ہوئے ان کے نمونے پھر سے جانچ کے لئے بھیجے جارہے ہیں۔
