نوئیڈا پولیس کمیشنرکا قابل تحسین اقدام

نوئیڈا کے پولیس کمیشنر آلوک سنگھ نے کورونا وائرس اور لاک ڈاؤن کے دوران قابل ستائش کام کیا ہے۔

نوئیڈا کے پولیس کمیشنر آلوک سنگھ نے پولیس اہلکاروں سے کورونا وائرس اور لاک ڈاؤن کے دوران کسی بھی ناخوشگوار صورتحال سے نمٹنے اور ذہنی تناؤ کے شکار شہریوں سے حسن سلوک اور نرمی سے پیش آنے کی تلقین کرتے رہے ہیں۔

وہیں خود ایک پریشان حال خاتون کی مدد کر کے اس کی مثال بھی پیش کی۔ دیر رات کمیشنر آلوک سنگھ گریٹر نوئیڈا جا رہے تھے کہ اسی دوران نالج پارک حلقے میں سڑک کنارے ایک کار کھڑی دیکھی۔شک ہونے پر انہوں نے اپنی گاڑی رکوائی اور قریب جا کر دیکھا تو کسی انہونی سے گھبرائی ہوئی ایک خاتون کار میں بیٹھی ہوئی تھی، پولیس اہلکاروں نے خاتون سے نام اور رکنے کی وجہ پوچھی تو اس نے اپنا نام انجلی بتایا جو پیشے سے شاردا اسپتال میں ڈاکٹر ہیں۔

گاڑی میں پیٹرول ختم ہو جانے سے وہ پریشان تھیں، تاہم انہوں نے 112 نمبر پر فون کر دیا ہے اور پیغام ملا کہ پیٹرول لے کر ٹیم پہنچ رہی ہے۔

پھر کمیشنر نے خاتون کی سیکورٹی کے لئے فوری نالج پارک پولیس کو موقع پر بلایا اور ایس ایچ او کو ہدایت دی کہ جب تک ٹیم پیٹرول لے کر نہیں آتی تب تک پولیس یہاں ان کی حفاظت کرے اور خاتون کو تسلی دے۔

کچھ دیر بعد ٹیم پیٹرول لے کر پہنچ گئی۔پولیس کے اس ہمدردانہ انداز اور اقدام سے ڈاکٹر انجلی کافی خوش ہوئیں اور پولیس کا شکریہ ادا کر کے اپنی منزل کی جانب روانہ ہو گیئں۔