وکیل کے قتل پر وکلاء کا ہنگامہ

ریاست اترپردیش کے درالحکومت لکھنؤ کے کرشنا نگر علاقے میں معمولی بات پر ہوئی کہا سنی کے بعد کچھ افراد نے وکیل ششر ترپاٹھی کا قتل کر دیا۔ قتل کی ورادت سے مشتعل وکلاء نے جم کر ہنگامہ کیا۔

کرشنا نگر علاقے کے ڈپٹی سپرنٹنڈنٹ آف پولیس امت کمار رائے نے بدھ کو بتایا کہ منگل دیر رات محلہ دامودر باشندہ وکیل ششرترپاٹھی عرف مونو (35) نکڑ پر کھڑا تھا۔ اسی وقت اسنیہ نگر باشند وکیل اوپیندر تیواری اپنے ساتھ وکلاء کے ساتھ وہاں آیا۔ اور کسی بات کے حوالے سے دونوں کے درمیان کہا سنی ہو گئی۔ بات بڑھنے پر ان لوگوں نے اس کے ساتھ مار پیٹ کی۔ زخمی حالت میں انہیں ٹراما سنٹر لے جایا گیا جہاں داکٹروں نے اسے مردہ قرار دے دیا۔

امت کمار نے بتایا کہ اس معاملے میں دو نامزد سمیت پانچ افراد کے خلاف مقدمہ درج کرایا گیا ہے۔ پولیس نے ایک نامزد وکیل ونائک ٹھاکر کو گرفتار کر لیا ہے۔ دیگر ملزمین کی تلاش جاری ہے۔ پولیس معاملے کی چھان بین کر رہی ہے۔ ضلع انتظامیہ نے ششر کے اہل خانہ کو دو لاکھ روپئے اور لکھنؤ بار اسوسی ایشن اور سنٹر ل بار اسوسی ایشن نے 50۔50 ہزار روپئے دینے کا اعلان کیا ہے۔

وہیں اس حادثے کی مخالفت میں وکیلوں نے پوسٹ مارٹم کے بعد لاش کو سیدھے کلکٹریٹ احاطے میں رکھ کر زبردست احتجاجی مظاہرہ کیا۔ مشتعل وکلاء نے پولیس۔ انتظامیہ مردہ باد کے جم کر نعرے بازی کی۔ پرگتی شیل سماجوادی پارٹی کے سربراہ شیوپال یادو نے بھی وکلاء کے احتجاج میں شرکت کی۔

ادھر کانگریس جنرل سکریٹری نے ایک بار پھر ریاست کے نظم ونسق پر سوال اٹھاتے ہوئے ٹوئٹ کیا 'سونراوں میں وجے شنکر تیواری اور شاملی میں اجے پاٹھک کے قتل کے بعد اب لکھنؤ میں وکیل ششر کا بہیمانہ قتل کر دیا گیا۔

انہوں نے سوال کیا کہ 'کیا ریاست پوری طرح سے جرائم پیشہ افراد کے ہاتھوں میں ہے؟ بی جے پی حکومت نظم ونسق کے معاملے میں پوری طرح سے ناکام ہے۔