Circus Future In Trouble سرکس کے مستقبل پر خطرے کے بادل منڈلانے لگے

کسی زمانے میں ہاتھی گھوڑے شیر اور بھالو کے کھیل سے ناظرین کو لطف اندوزی کا موقع فراہم کرنے والا سرکس آج صرف ایک بکرے اور جوکر کی مدد سے بچوں کو ہنسانے کی ناکام کوشش کرتے ہوئے اپنی بدحالی پر آنسو بہا رہا ہے۔

میرٹھ:ریاست اتر پردیش کے ضلع میرٹھ میں ان دنوں تاریخی میلہ نوچندی کا اہتمام کیا جا رہا ہے۔ سرکس بھی میلے کا ایک اہم حصہ رہتا ہے۔ جس کو عوام دور دراز سے دیکھنے کے لیے آتی تھی۔ کسی زمانے میں سرکس دیکھنے کے لیے لوگوں کی بھیڑ امڈتی تھی لیکن آج کے دور میں اس کا وجود خطرے میں پڑ گیا ہے۔ جب ای ٹی وی بھارت کی ٹیم نے سرکس کے فنکاروں کا حال جاننے کے لیے نوچندی میلے میں پہنچی تو دل دہلا دینے والی تصاویر سامنے آئیں۔

ایک وقت تھا جب سرکس میں ہاتھی، گھوڑے، بھالو اور شیر کے کرتب دکھائے جاتے تھے۔ اب جانوروں کے نام پر بکرے کو بیلنس سکھا کر لوگوں کا دل بہلایا جا رہا ہے۔ انہوں نے کہا کہ پہلے فنکار کئی شاندار قلابازیاں دکھاتے تھے۔ جوکر کی ایک سے زیادہ سرگرمیاں دیکھ کر بچوں کو ہنسایا جاتا تھا۔ لیکن آج کی تاریخ میں دوسروں کو ہنسانے والا جوکر خود اپنی بدحالی پر آنسو بہا رہا ہے۔

ان کا کہنا ہے کہ ڈیجیٹل کے اس دور میں ایسا لگتا ہے کہ سرکس ماضی کا حصہ بن کر رہ جائے گا. لیکن بچوں میں اب بھی سرکس کا جنون ہے۔ سرکس کے فنکاروں کا کہنا ہے کہ وہ آج بھی اس صنف کو زندہ رکھے ہوئے ہیں۔ تاکہ سرکس کے فن کو زندہ رکھا جا سکے۔ کیونکہ اگر ایسے ہی حالات رہیں تو وہ دن دور نہیں جب سرکس صرف کتابوں کا ایک باب بن کر رہ جائے گا۔