Christian Community گرجا گھروں میں کورونا وائرس سے نجات کیلئے خصوصی دعائیں

میرٹھ ضلع کے مختلف گرجاگھروں میں کرسمس کے موقعے پرروایتی عبادت کے ساتھ ساتھ لوگوں میں کورونا وائرس کے تعلق سے بیداری پیدا کرنے کی کوشش کی گئی۔ Christian Community

میرٹھ:ملک کی دوسری ریاستوں کی طرح اترپردیش کے ضلع میرٹھ میں واقع عیسایوں کی آبادی والے میرٹھ کینٹ، مشن کمپاؤنڈ اور صدر علاقے میں بھی جوش و خروش کے ساتھ کرسمس تہوار کا منایا گیا۔ اس موقعے پر میرٹھ ضلع کے سب سے بڑے اور مشہور گرجا گھر سینٹ تھومس چرچ میں روایتی عبادت کا اہتمام کیا گیا۔ گرجا گھروں میں منعقدہ خصوصی پروگرامز کے دوران تمام لوگ کورونا گائیڈ لائن پر عمل کرتے ہوئے نظر آئے۔ Christian Community Spread Awareness Message On Christmas Eve

سینٹ تھومس چرچ میں خصوصی پروگرام کے دوران عیسائی لوگوں نے ایک دوسرے کو کرسمس کی مبارکبا دی۔ اس موقع پر بھارت سمیت پوری دنیا میں امن و امان و بھائی چارے کے لئے دعائیں کی گئیں۔ میرٹھ میں واقع سینٹ جوزف چرچ کے مادر جون چمن نے کہاکہ کرسمس کا تہوار کا مطلب ہی امن و امان ہے۔ اس موقعے پر بھارت سمیت پوری دنیا کے لئے امن و امان کے لئے دعائیں کی گئیں۔ اس کے ساتھ ساتھ عالمی وبا کورونا وائرس سے نجات کے لئے خصوصی دعا کا اہتمام کیا گیا ہے۔

انہوں نے کہا کہ ایک بار پھر پوری دنیا کورونا وائرس کی زد میں ہے۔ اس بیماری سے نمٹنے کا سب سے اہم طریقہ احتیاط ہے۔ عام لوگ حکومت کی جانب سے جاری احتیاط پر سختی سے عمل کریں گے تو اس مرتبہ بھی ہم کورونا وایرس کے نئے ورینٹ پر بھی آسانی سے قابو پا سکتے ہیں ۔ فادر جون چمن کا کہنا ہے کہ کرسمس کے موقعے پر عیسائی برداری کو کورونا وائرس سے نمٹنے کے لئے جو گائیڈ لائن جاری کی گئی ہے اس پر سختی سے عمل کرنے کی ہدایت دی تھی۔ لوگوں نے گائیڈ لائن پر پوری طرح سے عمل درآمد بھی کیا۔ اس موقعے پر روایتی عبادت کے ساتھ ساتھ عالمی وبا کورونا وائرس سے نجات کے لئے خصوصی دعاؤں کا اہتمام کیا گیا۔ Christian Community Spread Awareness Message On Christmas Eve