کاس گنج: بی سی جی ویکسین کی وجہ سے بچے کی موت

ضلع کاس گنج میں بی سی جی ویکسی نیشن کی وجہ سے 16 دن کے ایک بچے کی موت ہوگئی۔ وہیں چار بچوں کی حالت سنگین ہونے کے بعد انہیں علاج کے لیے سی ایچ سی میں داخل کرایا گیا۔

ریاست اتر پردیش کے ضلع کاس گنج کے تحصیل سہاور میں واقع گاؤں نباب گنج میں بی سی جی ویکسین لگانے کے بعد 16 دن کے ایک بچے کی موت ہوگئی، جبکہ چار بچوں کی حالت تشویشناک ہے۔ وہیں واقعے کی اطلاع کے بعد محکمہ صحت میں ہلچل مچ گئی۔ تمام بچوں کو علاج کے لیے اشوک نگر کے سی ایچ سی میں داخل کرایا گیا ہے۔ جہاں ان کی حالت بہتر ہونے کے بعد انہیں گھر بھیج دیا گیا۔

دراصل، تین دن قبل ایک آشا کارکن کے کہنے پر علاقائی اے این ایم نے گاؤں کے پانچ بچوں کو وکسی نیشن لگایا تھا جس کے نتیجے میں 24 اپریل کو پیدا ہونے والے دوشیانت کے بیٹے انوج کی موت ہوگئی، جب کہ آیوش، پرگیا، ویشنوی اور راگھو کی حالت تشویشناک ہوگئی۔

تمام شدید بیمار بچوں کو بغیر کسی سماجی فاصلے کے ایمبولینس سے اشوک نگر سی ایچ سی میں داخل کرایا گیا۔ جمعرات کی رات تقریبا 9 بج کر 30 منٹ پر بچوں کی حالت بہتر ہونے کے بعد انہیں گھر بھیج دیا گیا۔ وہیں اس واقعے کے بعد گاؤں والوں نے محکمہ صحت کے ملازمین پر الزام لگایا ہے کہ وہ انہیں غلط ویکسی نیشن دے رہے ہیں۔

سی ایم او ڈاکٹر پرتیما سریواستو نے بتایا کہ '16 دن کے ایک بچے کی موت ویکسین کی وجہ سے ہوئی ہے، جب کہ چار بچوں کی حالت تشویشناک ہونے پر انہیں علاج کے لیے سی ایچ سی میں داخل کرایا گیا۔ تمام بچوں کی حالت بہتر ہونے کے بعد انہیں گھر بھیج دیا گیا۔