گڑھے میں گر کر بچہ ہلاک

انوراج دوپہر کے وقت گھر کے قریب کھیل رہا تھا۔ اسے کھیلتا دیکھ کر گھر کے دوسرے افراد گھریلو کاموں میں مصروف ہوگئے جس کی وجہ سے کوئی بھی اس کے پاس نہیں تھا۔ جب انوراج دوپہر بارہ بجے کے قریب گھر کے سامنے نہیں نظر آیا تب اس کی تلاش شروع کی گئی۔

ریاست اترپردیش کے بستی کے علاقہ رام نگر گاؤں میں بیت الخلا بنانے کے لئے کھودے گئے گڑھے میں پانچ سالہ بچہ گر کر ہلاک ہو گیا۔

دراصل رام نگر گاؤں کے رہائشی سومی سونکر نے بیت الخلا بنانے کے لئے گھر کے پیچھے چھ فٹ کی گہرائی میں ایک گڑھا کھودا تھا۔ گڑھے کے تالاب کے کنارے ہونے کی وجہ سے اس میں پانی بھر گیا تھا۔ اسی گڑھے میں اس کا پانچ سالہ بیٹا انوراج بے ہوشی کی حالت میں ملا۔

لواحقین، بے ہوشی کی حالت میں بچے کو علاج کے لئے ہسپتال لے گئے جہاں ڈاکٹر نے اسے مردہ قرار دے دیا۔

کنبے کے مطابق 'انوراج دوپہر کے وقت گھر کے قریب کھیل رہا تھا۔ اسے کھیلتا دیکھ کر گھر کے دوسرے افراد گھریلو کاموں میں مصروف ہوگئے۔ جس کی وجہ سے کوئی بھی اس کے پاس نہیں تھا۔ جب انوراج دوپہر بارہ بجے کے قریب گھر کے سامنے نہیں دکھا تب اس کی تلاش شروع کی گئی۔ بہت دیر تک تلاش کرنے کے بعد اسے بیت الخلا کے لئے کھودے گئے گڑھے میں گرا ہوا پایا گیا۔'

معصوم کی موت کے بعد کنبہ صدمے میں ہے۔ وہیں اس واقعے کے بارے میں سن کر ہر کوئی حیرت زدہ ہے۔