چودھری چرن سنگھ یونیورسٹی میں تقسیم اسناد، مدارس کے طلبہ کو گولڈ میڈل

چودھری چرن سنگھ یونیورسٹی میں سالانہ تقسیم اسناد اجلاس پروگرام کا اہتمام کیا گیا۔ اس موقع پر یونیورسٹی میں ممتاز (ٹاپر) طلبہ کو ایوارڈ و گولڈ میڈل سےنوازا گیا۔

اترپردیش کے شہر میرٹھ کی چودھری چرن سنگھ یونیورسٹی میں تقسیمِ اسناد (کانووکیشن) پروگرام کا اہتمام کیا گیا۔ اس میں اترپردیش حکومت کے نائب وزیر اعلی ڈاکٹر دنیش شرما نے شرکت کرتے ہوئے یونیورسٹی کے ممتاز طلبہ کو ایوارڈ سے نوازا۔ اس موقع پر اترپردیش کی گورنر آنندی بین پٹیل نے ویڈیو کانفرنس کے ذریعہ یونیورسٹی اور تمام طلبہ کو مبارکباد پیش کی۔

وہیں، شعبہ اردو کے دو طلبہ کو گولڈمیڈل سے نوازا گیا۔ ان طلبا نے مدارس کی تعلیم حاصل کرنے کے بعد عصری تعلیم حاصل کرتے ہوئے نہ صرف خود کو ثابت کیا بلکہ اعلی تعلیم حاصل کر کے یونیورسٹی میں ایوارڈ بھی حاصل کیا۔

مولانا اسرار احمد، ایوارڈ یافتہ طالب علم

ایوارڈ پا کر طلبہ کافی خوش نظر آئے۔ انہوں نے دوسرے طلبہ کے لئے تعلیم کے مراکز کھولنے کی بات بھی کی۔ دوسری جانب شعبہ کی استاد کا ماننا ہے کی لاک ڈاؤن کے باوجود طلبہ نے محنت کر کے اس مقام کو حاصل کیا ہے یہ شعبے کے لئے فخر کی بات ہے۔

کانووکیشن میں اترپردیش حکومت کے نائب وزیر اعلی ڈاکٹر دنیش شرما نے شرکت کرتے ہوئے یونی ورسٹی کے ممتاز طلبہ کو ایوارڈ سے نوازا

مدارس کی تعلیم حاصل کرنے کے بعد عصری تعلیم کی دنیا میں خود کو ثابت کر نے والے یہ طلبہ دوسرے طالب علموں کے لیے ایک مثال ہیں۔