اترپردیش کے ضلع مظفرنگر میں بھارتیہ کسان یونین کے قومی صدر چودھری نریش ٹکیٹ نے تین جولائی کو ریاست میں ہونے والے پنچایت صدر کے انتخاب کے پیش نظر گزشتہ روز ڈسٹرک مجسٹریٹ سے ملاقات کی اور انتخاب کو منصفانہ انداز میں کرانے کا مطالبہ کیا۔
اطلاعات کے مطابق اتر پردیش میں تین جولائی کو ہونے والے ضلع پنچایت صدر کے انتخابات کو لے کر ریاست کی سیاست سرگرم ہے، آزاد سماج پارٹی اور بھارتی کسان یونین کے مشترکہ امیدوار ستیندر بالیان اور حکمراں جماعت کے امیدواروں کے درمیان سخت مقابلہ دیکھا جارہا ہے، لیکن انتخابات کو منصفانہ انداز میں کرانے کو لے کر طرح طرح کے سوالات اٹھائے جارہے ہیں۔
وہیں حزب اختلاف کی جانب سے حکمرا جماعت پر مسلسل الزام لگایا جا رہا ہے کہ حکمراں جماعت ضلع پنچایت ممبروں کے خلاف جعلی مقدمات درج کراکر انہیں ڈرانے دھمکانے کی کوسس کر رہی ہے۔بھارتیہ کسان یونین کے قومی صدر چودھری نریش ٹکیٹ نے میڈیا سے گفتگو کرتے ہوئے کہاکہ ضلع پنچایت صدر کے انتخاب کو منصفانہ انداز میں کرانے کے لیے ڈسٹرک مجسٹریٹ سے مطالبہ کیا گیا ہے، انہوں نے کہا ہے کی ضلع انتظامیہ کو بی جے پی کے ایجنٹ کی حیثیت سے کام نہیں کرنا چاہیے۔
مزید پڑھیں:
چودھری نریش ٹکیٹ نے یہ بھی کہا کہ وہ بی جے پی کی مخالفت نہیں کر رہے ہیں بلکہ ان کی غلط پالیسیوں کی مخالفت کر رہے ہیں۔ ساتھ ہی انہوں نے غازی پور بارڈر پر ہونے والے تنازعہ پر بھی برہمی کا اظہار کیا اور کہا کہ بارڈر پر جو بھی کچھ ہوا وہ غلط ہے۔
