میرٹھ: بھارتی کسان یونین کے ہائی وے جام کی تیاریوں کو لیکر خاکہ تیار

زرعی قوانین کے خلاف بھارتیہ کسان یونین کے ہائی وے جام کرنے کے اعلان کے بعد کسان تحریک سے منسلک مختلف سیاسی اور سماجی تنظیموں کے کارکنان نے روڈ جام کرنے کی تیاریاں شروع کر دی ہیں۔ اسی سلسلے میں آج کسان یونین اور راشٹریہ لوک دل کے کارکنان نے کسان تحریک سے منسلک لوگوں سے ملاقات کر کے کسان تحریک کو کامیاب بنانے کی بات کہی ہے۔

زرعی قوانین اور مرکزی حکومت کے خلاف کسانوں کا احتجاج اور شدید ہوتا دکھائی دے رہا ہے، اسی ضمن میں اب بھارتیہ کسان یونین کی جانب سے پورے ملک میں ہائی وے جام کرنے کے اعلان کے بعد اس کی تیاریوں کو بھی مکمل کیا جا رہا ہے۔

میرٹھ میں کل لگائے جانے والے جام کو شہر میں قریب 09 پوائنٹ تیار کئے گئے ہیں، انہیں جگہوں پر جام کی کارروائی کو انجام دیا جائے گا۔ اسی سلسلے میں آج کسان لیڈران سے بات کی گئی۔

سبھی کا کہنا تھا کہ کل کے جام کو امن کے ساتھ شہر ہائی وے جام کئے جائیں گے۔

زرعی قوانین کے خلاف کسان تحریک اب حکومت کے لیے مشکل حالات پیدا کر رہی ہے، اب کل کے ہونے والے جام سے کتنا اثر سرکار پر پڑتا ہے، یہ بھی دیکھنے والی بات ہوگی۔