اقلیتی شادی امداد اسکیم کے مستفیضین کو سرٹیفیکٹ

ریاست اترپردیش کے ضلع بارہ بنکی میں 'مکھیہ منتری ساموہک ویواہ یوجنا' کے تحت جمعرات کو اقلیتی محکمے کی شادی امداد اسکیم کے 11 مستفیضین کو سرٹیفیکیٹ تقسیم کئے گئے۔

ضلع کے کل 11 لوگوں کو کابینی وزیر دارا سنگھ چوہان نے سند سے نوازا۔

قابل ذکر ہے کہ اقلیتی محکمے کی اس اسکیم کے تحت اقلیتی طبقے کے پسماندہ افراد کو 20 ہزار روپیے کی معاشی مدد فراہم کی جاتی ہے۔

ضلع اقلیتی افسر سون کمار کے مطابق اس اسکیم کے تحت اب تک ضلع میں 60 لاکھ روپیے کی رقم تقسیم کی جا چکی ہے۔ سون کمار کے مطابق اس اسکیم کے لئے رقم کی کوئی کمی نہیں ہے۔ جتنے لوگ چاہیں طے وقت کے مطابق اس اسکیم کا فائدہ اٹھا سکتے ہیں۔