جل شکتی کے وزیر گجیندرسنگھ شیخاوت نے کہا کہ وزیراعظم نریندرمودی کا 2024 تک ملک کے ہرگھر تک نل سے صاف پانی پہنچانے کاخواب ہے اور وزیر اعظم مودی کی قیادت والی حکومت اس کام کے لئے کسی بھی طرح کی کمی کودورکرنے کے لئے تمام اقدامات کررہی ہے۔
انہوں نے کہا کہ اسی سلسلے میں اترپردیش میں اس اسکیم کے نفاذ کے لئے مرکزی حکومت نے 2019 میں 1206 کروڑروپے کا التزام کیا تھا اسکیم کا کام کسی طرح سے بندنہ ہو، اس لئے بعد میں اس رقم کو 21-2020 کے لئے بڑھاکر 2571 کروڑ روپے کیا گیا ہے۔