وکاس دوبے کی موت پر کانپور میں جشن

اترپردیش کے کانپور میں وکاس دوبے کی انکاؤنٹر میں ہلاکت پر جشن منایا جارہا ہے۔

وہیں پولیس اہلکاروں کی حوصلہ افزائی بھی کی جارہی ہے۔ کانپور کے ہندو مسلم سبھی نے پولیس اہلکاروں کو پھولوں کا ہار پہناکر پولیس زندہ باد کے نعرے لگائے۔

کانپور کے یتیم خانہ چوراہے پر جمعہ کی نماز کے بعد کچھ لوگوں نے چوراہے پر موجود پولیس کے داروغہ اور اہلکاروں کو پھولوں کا ہار پہنایا گیا اور پولیس انتظامیہ زندہ باد کے نعرے لگائے۔ یہ لوگ اس بات سے خوش تھے کہ پولیس تصادم میں کانپور کا اتنا بڑا بدمعاش مارا گیا ہے جس کے خوف اور دہشت سے لوگ پریشان تھے ۔

وہیں دوسری طرف چکیری تھانہ علاقہ میں بھی لوگوں نے جشن منایا اور پولیس زندہ باد کے نعرے لگائے یہاں پر بھی پولیس اہلکاروں کو پھول کے ہار پہنائے گئے اور خوشی کا اظہار کیا گیا۔وکاس دو بے کی موت پر جگہ جگہ خوشی کا اظہار اس بات کی علامت ہے کہ عوام کس قدر وکاس دوبے کے خوف میں جی رہے تھے۔