بدایوں: سرکاری گوشالہ میں 22 گایوں کی موت

ریاست اترپردیش کے ضلع بدایوں کی سرکاری گوشالہ میں 22 گایوں کی موت کا معاملہ سامنے آیا ہے۔

واقعے کی اطلاع ملنے کے بعد انتظامی عملے میں ہلچل مچ گئی۔ چارے میں زہریلے مادے کی ملاوٹ کا امکان ظاہر کیا جا رہا ہے۔

دراصل پورا معاملہ یہ ہے کہ ضلع کے کوتوالی اوجھانی کے کچھلا قصبے میں واقع سرکاری گوشالہ میں ایک ہی وقت میں 22 گایوں کی موت کا معاملہ سامنے آیا ہے۔

گائے کے کھانے میں زہریلے مادے ملانے کا امکان ہے۔

اطلاع کے مطابق گوشالہ میں مجموعی طور پر 76 گائیں رہائش پذیر تھیں۔

بتایا جا رہا ہے کہ سرکاری گوشالہ میں شام تک سب کچھ سہی تھا۔ شام کا چارہ کھانے کے بعد لگ بھگ 7بجے ایک ایک کر گوشالہ کی گائیں مرنے لگیں۔

امکان ہے کہ کھانے میں زہریلےمادے کی ملاوٹ کی گئی ہے۔

ضلع انتظامیہ کے ساتھ پولیس اور ڈاکٹروں کی ٹیمیں بھی واقعے کی اطلاع پر موقع پر پہنچ گئیں ہیں۔

موقع پر پہنچی پولیس واقعے کی تحقیقات میں جٹ گئی ہے۔