Cash and Jewellery Seized in UP: اتر پردیش میں پندرہ کروڑ روپے سے زیادہ کی نقدی اور زیورات برآمد

جھانسی میں واقع ایک گروپ کے ٹھکانوں پرچھاپہ مار کر 15 کروڑ روپے سے زیادہ کی نقدی اور زیورات برآمد کیے گئے۔ محکمہ انکم ٹیکس نے کہا کہ 'جھانسی، دہلی، لکھنؤ، کانپور اور گوا میں واقع تقریباً 30 کیمپس میں چھاپے مارے گئے۔' Cash and jewellery Seized in UP

جھانسی: محکمہ انکم ٹیکس نے پبلک کنٹریکٹس اور ریئل اسٹیٹ ڈیولپمنٹ کے کاروبار میں مصروف جھانسی میں واقع ایک گروپ کے ٹھکانوں پرچھاپہ مار کر 15 کروڑ روپے سے زیادہ کی نقدی اور زیورات برآمد کیے ہیں۔ یہاں جاری ایک بیان میں محکمہ نے کہا کہ جھانسی، دہلی، لکھنؤ، کانپور اور گوا میں واقع تقریباً 30 کیمپس میں چھاپے مارے گئے۔ سرچ آپریشن کے دوران، متعدد تھرڈ پارٹیز کی کئی غیر منقولہ جائیدادوں کے دستاویزی ثبوت سمیت متعدد مجرمانہ شواہد برآمد کیے گئے ہیں اور انہیں ضبط کیا گیا ہے۔ Income tax raid in Jhansi

پبلک کنٹریکٹ کے کاروبار میں شواہد کے ابتدائی تجزیے سے یہ بات سامنے آئی کہ یہ گروپ ہر سال کے آخر میں اکاؤنٹس کی اپنی باقاعدہ کتابوں میں ہیرا پھیری کے ذریعے اپنے منافع کو کم دکھا کر بڑے پیمانے پر ٹیکس چوری کر رہا تھا۔ یہ ہیرا پھیری جعلی اخراجات اور جعلی قرض دہندگان وغیرہ کے دعووں کی نوعیت میں تھی۔ ان مختلف قرض دہندگانوں کو غیر حاضر اور غیر تصدیق شدہ پایا گیا تھا۔

یو این آئی