ملہانی میں ایس پی اور آزاد امیدوار پر مقدمہ درج

انتخابی ضابطہ اخلاق کی خلاف ورزی کرنے کے پاداش میں جونپور میں ایس پی اور آزاد امیدوار پر مقدمہ درج کیا گیا۔

اترپردیش کے جونپور کے ملہانی سیٹ پر تین نومبر کو ہونے والے اسمبلی کے ضمنی انتخابات میں انتخابی ضابطہ اخلاق کی خلاف ورزی کے معاملے میں سماج وادی پارٹی کے امیدوار لکی یادو اور آزاد امیدور اور سابق رکن پارلیمنٹ دھنجے سنگھ کے خلاف مقدمہ درج کیا گیا ہے۔

پولس نے بتایا کہ کل 24 اکتوبر کو سماج وادی پارٹی کے امیدوار لکی یادو اور آزاد امیدوار دھنجے سنگھ کے ذریعہ انتخابی مہم کے دوران ضابطہ اخلاق کی ورزی کرتے ہوئے سرکاری بجلی کے کھمبے پر تشہیری مہم کے لئے اسٹیکر چسپا کئے جانے کے سلسلے میں مقدمہ درج کیا گیا ہے۔ اس معاملے میں دونوں کو نوٹس دی گئی ہے۔

واضح رہے کہ کوڈ آف کونڈکٹ کے دوران آپ کسی بھی طرح کی تشہری مہم کے لیے شہروں میں بینر وغیرہ نہیں لگا سکتے ہیں۔