مرکزی وزیر اشونی چوبے پر مقدمہ درج

مرکزی وزیر مملکت برائے صحت اشونی کمار چوبے کے خلاف ایک پولیس افسر کےساتھ گھٹیا برتاؤ کیے جانے کے سلسلے میں شکایت درج کروائی گئی ہے۔

پولیس ذرائع نے بتایا کہ بھوجپور تھانہ انچارج نے اس تعلق سے اشونی چوبے کے خلاف ڈُمراؤگنج تھانے میں شکایت درج کروائی ہے۔

شکایت میں مرکزی وزیر پر نازیبا سلوک کرنے اور غلط ڈھنگ سے بات کرنے کا الزام عائد کیا گیا ہے۔ واضح رہے کہ اس واقعہ کا ویڈیوبھی وائرل ہوا تھا۔

قابل ذکر ہے کہ دوروز قبل اشونی چوبے نے بکسر پارلیمانی حلقے میں ’جنتا دربار‘کا انعقاد کیا تھا۔ اسی پروگرام میں ایک کارکن نے اپنے اوپر کی گئی پولیس کی کاروائی کی شکایت اشونی چوبے سے کی تھی۔ اس پر انہوں نے سب کے سامنے پولیس افسر کو ڈانٹ پلاتے ہوئے’ وردی اترسکتی ہے‘کا انتباہ بھی دیا تھا۔