امروہہ: لاک ڈاؤن میں پھنسے قالین مزدوروں نے مدد کی درخواست کی

اترپردیش کے ضلع امروہہ کے دو درجن سے زائد قالین بنانے والے مزدور ضلع بھڈوہی میں لاک ڈاؤن کے بیچ پھنس گئے ہیں۔ انہوں نے سوشل میڈیا پر امروہہ کے رہنماؤں اور افسران سے مدد کی درخواست کی ہے۔

ریاست اترپردیش کے ضلع امروہہ میں رہنے والے دو درجن سے زائد افراد اترپردیش کے ضلع بھڈوہی میں قالین بنانے کا کام کرتے ہیں۔

کورونا وائرس کو پھیلنے سے روکنے کے لیے اچانک نافذ کیے گئے لاک ڈاؤن کے بعد یہ سارے قالین مزدور اپنے گھر واپس نہیں آسکے اور بھڈوہی میں ٹھہرے رہے۔ لیکن اب ان قالین مزدوروں کی ایک ویڈیو سوشل میڈیا پر وائرل ہوئی ہے جس میں وہ امروہہ کے عہدیداروں اور رہنماؤں سے واپس آنے کے لیے مدد مانگ رہے ہیں۔

لاک ڈاؤن میں پھنسے قالین مزدوروں نے مدد کی درخواست کی

اس وائرل ویڈیو میں ایک شخص کا کہنا ہے کہ اب ان کا پیسہ ختم ہوگیا ہے اور کوئی ان کی مدد نہیں کر رہا ہے۔ ساتھ ہی انہیں کھانا بھی نہیں مل رہا ہے، لہذا امروہہ کے افسران اور قائدین ان کو واپس گھر لانے میں مدد کریں۔

امروہہ ضلع کے قالین بنانے والے مزدوروں نے امروہہ کے عہدیداروں اور رہنماؤں سے گھر واپسی کا مطالبہ کرتے ہوئے سوشل میڈیا پر ایک ویڈیو وائرل کیا ہے۔ یہ سارے مزدور بھڈوہی ضلع میں قالین بنانے کا کام کرتے ہیں۔