نوئیڈا: ہاتھرس کی بیٹی کو انصاف دلانے کے لئے کینڈل مارچ

اجتماعی جنسی زیادتی کی شکار ہوئی ہاتھرس کی بیٹی کو انصاف دلانے کے لئے بھارتی بالمیکی دھرم سماج سنگٹھن کی جانب سے ایک کینڈل مارچ کیا گیا۔

اترپردیش کے شہر نوئیڈا میں بھارتی بالمیکی دھرم سماج سنگٹھن کی جانب سے اجتماعی جنسی زیادتی شکار ہوئی ہاتھرس کی بیٹی کو انصاف دلانے کے لئے نوئیڈا سیکٹر 38 اے جی آئی پی مال سے دلت پریرنا استھل تک ایک کینڈل مارچ نکالا گیا۔

نوئیڈا: ہاتھرس کی بیٹی کو انصاف دلانے کے لئے کینڈل مارچ

کینڈل مارچ میں مختلف سماجی تنظیموں کے علاوہ سیاسی جماعتوں کے نمائندوں نے بھی شرکت کی اور نم آنکھوں سے مقتول بیٹی کو خراج عقیدت پیش کیا۔ دلت پریرنا استھل پر دو منٹ خاموشی اختیار کی گئی۔

اس موقع پر تنظیم کے مغربی اتر پردیش کے صدر مکیش بالمیکی نے کہا کہ بہن بیٹیاں اتر پردیش میں محفوظ نہیں ہیں۔ امن و امان مکمل طور پر ختم ہوچکا ہے۔'

رات کی تاریکی میں بیٹی کی زبردستی آخری رسومات ادا کرنا پولیس کی کارگردگی پر سوالیہ نشان کھڑا کرتا ہے۔ ملزمین کو پھانسی کی سزا دی جائے۔

اس موقع پر ایس پی رہنما راگھویندر دبے نے خطاب کرتے ہوئے کہا کہ اتر پردیش میں جرائم پیشہ افراد کا حوصلہ اس قدر بڑھ گیا ہے کہ وہ کسی بھی مجرمانہ واقعے کو کرنے میں ذرا بھی ہچکچاہٹ محسوس نہیں کرتے ہیں۔ مجرموں کے خلاف سخت کارروائی کی جانی چاہئے تاکہ کوئی بھی شخص اس طرح کی حرکت کی جرآت نہ کرسکے۔