کانگریس کی نوجوانوں کو سوشل میڈیا پر جوڑنے کی مہم

آل انڈیا کانگریس پارٹی نے عوام کو سوشل میڈیا پلیٹ فارم سے منسلک کرنے کے مقصد سے ایک مہم چلا رہی ہے۔ اس سلسلے میں بریلی میں ضلع صدر اشفاق ثقلینی کی صدارت میں ایک میٹنگ منعقد کی گئی، جس میں اتر پردیش کانگریس سوشل میڈیا کی وائس چیئرپرسن پنکھوڑی پاٹھک نے خصوصی طور پر شرکت کی۔

پنکھوڑی پاٹھک نے میٹنگ کو خطاب کرتے ہوئے کہا کہ کانگریس نوجوانوں کو سوشل میڈیا سے جوڑنے کے لئے 'جوائن کانگریس سوشل میڈیا' مہم چلا رہی ہے۔جس کے تحت نوجوانوں کو جوڑنے کے لئے ایک مِس کال نمبر جاری کیا گیا، یہ نمبر 1800120000044 ہے۔ وائس چیئرپرسن نے مزید کہا کہ آج بی جے پی حکومت سوشل میڈیا میں جھوٹ بولکر ملک کو برباد کر رہی ہے۔عوام کو حقیقی امور سے دور کیا جا رہا ہے۔ کانگریس پارٹی نے اس کا جواب دینے کے لئے یہ مہم شروع کی ہے، تاکہ ملک کی عوام کے سامنے بی جے پی حکومت کا اصل چہرہ سامنے لایا جا سکے۔

اس میٹنگ سے خطاب کرتے ہوئے ضلع صدر اشفاق ثقلینی نے کہا کہ کانگریس پارٹی شہر سے لیکر وارڈ سطح تک سوشل میڈیا کا استعمال کرے گی اور جادوئی اعداد و شمار پیش کرےگی۔ پارٹی پورے وجود اور استحکام کے ساتھ اتر پردیش میں اسمبلی انتخابات میں حصّہ لےگی۔

کانگریس کی نوجانوں کو سوشل میڈیا پر جوڑنے کی مہم

سوشل میڈیا ریاستی جنرل سکریٹری ڈاکٹر نیتو شرما نے بی جے پی کے وزیر سریش کھنّا کے بیان پر تبصرہ کرتے ہوئے کہا کہ مچھلی کے بچے کو تیرنا نہیں سکھایا جاتا۔

اس موقع پر پارٹی ترجمان پنڈت راج شرما نے کہا کہ بی جے پی حکومت بغیر کسی فِٹنیس کی گاڑی کی طرح ہے۔ ان کے کچھ رہنماؤں کے پاس علم کی کمی ہے اور اُنہیں تاریخ کی کوئی معلومات نہیں ہے۔

کانگریس کی نوجانوں کو سوشل میڈیا پر جوڑنے کی مہم

ڈاکٹر مہدی حسن نے کہا کہ آج مرکزی حکومت مہنگائی پر قابو پانے میں ناکام ثابت ہوچکی ہے۔ آج کل ملک میں چاروں طرف عوام پریشان ہے اور عدم تحفظ کے احساس سے متاثر ہے۔