یوگی آدتیہ ناتھ کا اہم امور پر کابینی اجلاس

اترپردیش حکومت کے کابینی اجلاس وزیراعلی یوگی آدتیہ ناتھ کے زیر صدارت میں ہوگا۔ اس اجلاس میں کئی اہم تجاویز کو منظوری مل سکتی ہے۔

ریاست اترپردیش کے وزیر اعلی یوگی آدتیہ ناتھ کی صدارت میں کابینہ کا اجلاس ہوگا۔ اس کابینی اجلاس میں ہاؤسنگ محکمہ کی ڈیولپمنٹ اتھارٹی اور ہاؤسنگ ڈویلپمنٹ مکانات کے خریداروں کو ریلیف فراہم کرنے کی تجویز کو منظوری دی جاسکتی ہے۔

کابینہ کے اجلاس میں پریاگراج، شاہ جہاں پور اور فیروز آباد میونسپل کارپوریشنز کی حدود میں توسیع کی تجویز کو بھی منظور کیا جاسکتا ہے۔

تقریبا ایک درجن نئی نگر پنچایتیں بنانے کی تجویز بھی کابینہ میں رکھی جائے گی۔

اس اجلاس میں بندیل کھنڈ وندھیاچل پائپ لائن سے پینے کے پانی کی فراہمی کی منصوبہ بندی کی تجویز بھی کابینہ میں رکھی جائے گی۔

اس کے علاوہ کابینہ کے اجلاس میں محکمہ لیبر کے سروس رولز کی تجویز کو بھی منظوری دی جائے گی۔