رامپور: ہفتہ واری بازار بند ہونے سے تاجر بدحال

اترپردیش کے شہر رامپور کے بیچ بازار میں متوسط درجہ کے تاجروں کے ذریعہ لگائے جانے والا بدھ بازار لاک ڈاؤن کے بعد سے تقریباً مسلسل 11 ماہ سے بند چل رہا ہے۔ بازار بند ہونے کی وجہ سے تاجروں کو کافی مشکلات کا سامنا کرنا پڑ رہا ہے اور وہ در در کی ٹھوکریں کھانے پر مجبور ہیں۔

رامپور کی اہم بازار شاداب مارکیٹ اور جامع مسجد علاقے کے بازار لاک ڈاؤن کے بعد سے بدھ کے روز بند رہتے ہیں۔ لاک ڈاؤن سے قبل ان علاقوں میں گذشتہ کئی برسوں سے دکانوں کے آگے دوکان لگا کر بدھ بازار لگائی جاتی تھی۔

لیکن ملک میں کورونا کی وبا شروع ہونے کے بعد سے لاک ڈاؤن میں جب تمام بازاروں کے ساتھ بدھ بازار بھی لگنا بند ہو گیا تھا۔ لاک ڈاؤن ختم ہونے پر یہاں کے تمام بازار پہلے کی طرح کھلنے شروع ہو گئے، لیکن بدھ بازار کو ابھی بھی دوبارہ شروع کرنے کی اجازت نہیں دی گئی ہے، جس سے تاجروں کو کافی مشکلات کا سامنا کرنا پڑ رہا ہے۔

بدھ بازار میں دوکان لگانے والے امن کا کہنا ہے کہ ان کے پاس ہفت واری بازار کے علاوہ دوسرا کوئی متبادل نہیں ہے۔ بدھ بازار شروع نہیںہونے کی وجہ سے ان کی معاشی حالت بہت کمزور ہو چکی ہے۔

امن نے بتایا کہ بازار دوبارہ کھلوانے کا مطالبہ کرتے ہوئے وہ آج کلیکٹریٹ پہنچے۔

ہفتہ واری بازار بند ہونے سے تاجر پریشان

معیشت کو مضبوط کرنے میں بازار ریڑ کی ہڈی کی مانند ہوتے ہیں۔ یہی وجہ ہے کہ خرید و فروخت اور اپنے کاروبار کو فروغ دینے کے لئے ملک بھر کے شہری اور دیہی علاقوں میں تاجر اپنی دوکانے لگاتے ہیں۔ معاشی طور پر کمزرو اور متوسط قسم کے تاجروں کی بھی اس ملک میں ایک بڑی تعداد ہے جو ہفت واری بازاروں میں اپنی دکان لگا کر اپنی روزی روٹی تلاش کرتے ہیں۔

ان تاجروں اور دکانداروں کو وہاں سے ہٹانے کے بعد کوئی دوسرا متبادل مقام بھی نہیں دیا گیا ہے، جس سے متعدد افراد بیروزگار ہو چکے ہیں۔