UP Budget 2022:یوگی حکومت کے بجٹ سے کپڑا صنعت سے وابستہ کاروباری مایوس

کاروباری شہر ہونے کی وجہ سے میرٹھ کے کاروباریوں کو اس بجٹ سے کافی اُمیدیں وابستہ تھی۔ خاص طور پر کپڑا صنعت کے ہینڈ اور پاور لوم کاروبار سے وابستہ کاریگروں اور لوم کاروباریوں کو بجلی کے فلیٹ ریٹ اور بند پڑی میرٹھ کی دو بڑی ملوں کو دوبارہ شروع کرنے کے لیے بجٹ مختص کئے جانے کی اُمید تھی۔ Textile Traders React to Yogi Government's Budget

ریاست اترپردیش میں بر سرِ اقتدار بی جے پی کی یوگی حکومت نے اپنے دوسرے ٹرم کا پہلا اور اب تک کا سب سے بڑا بجٹ پیش کیا ہے۔ چھ لاکھ پندرہ ہزار کروڑ روپیہ کے اس بجٹ میں یوگی حکومت نے ترقیاتی کاموں کی رفتار کو تیز کرنے اور نئے پروجیکٹس کو شروع کرنے کے مقصد سے بڑی رقم مختص کرنے کے ساتھ صنعتی ترقی کو فروغ دینے کے لیے بھی بجٹ میں اضافہ کیا ہے۔ Textile Traders React to Yogi Government's Budget

کاروباری شہر ہونے کی وجہ سے میرٹھ کے کاروباریوں کو اس بجٹ سے کافی اُمیدیں وابستہ تھی۔ خاص طور پر کپڑا صنعت کے ہینڈ اور پاور لوم کاروبار سے وابستہ کاریگروں اور لوم کاروباریوں کو بجلی کے فلیٹ ریٹ اور بند پڑی میرٹھ کی دو بڑی کتائی ملوں کو دوبارہ شروع کرنے کے لیے بجٹ مختص کئے جانے کی اُمید تھی۔


یوگی حکومت نے بنکروں کو راحت دینے کے لیے سبسڈی میں اضافہ تو کیا ،لیکن اس کاروبار سے منسلک لوگوں کا کہنا ہے کہ یہ رقم اونٹ کے منہ میں زیرے کے برابر ہے۔ وہیں غریب کلیان اور مفت راشن اسکیم کے ساتھ اُجولا اسکیم میں دو گیس ریفل سلینڈر مفت دینے کے فیصلے کی ماہرین اقتصادیات نے ستائش تو کی ہے لیکن اس کے دائرے کو اُجولا اسکیم کے مستحقین تک محدود رکھنے پر نا اتفاقی بھی ظاہر کی ہے-

مومن انصار سبھا اور بنکر وکاس سمیتی کے اراکین کا کہنا ہے کہ سرکار نے پاور سبسڈی کا بجٹ ڈیڑھ سو کروڑ سے بڑھا کر ڈھائی سو کروڑ تو کیا ہے، جس سے بنکروں کو کچھ راحت ملنے کی امید ہے، لیکن بجلی بل کے فلیٹ ریٹ پر حکومت نے تاحال کچھ بھی صاف نہیں کیا ہے. وہیں دوسری جانب ان کا کہنا ہے کہ سبسڈی کے لیے بجٹ میں پانچ سو کروڑ کی رقم مختص کرنی چاہئے تھی، لیکن حکومت نے کسانوں کی طرح کپڑا صنعت سے وابستہ بنکر کاروباریوں کے ساتھ برابری کا برتاؤ نہیں کیا ہے ۔