بنکرز ہڑتال: بنارس میں بنکرز نے مشعل جلوس نکالا

ریاست اترپردیش کے ضلع بنارس میں آج بنکرز کے ہڑتال کا آٹھواں دن ہے بنارس کے مختلف علاقوں میں بنکرز نے احتجاجی مظاہرہ کیا اور ریاستی حکومت سے فلیٹ ریٹ پر بجلی بحال کرنے کا مطالبہ کیا۔

دیر شام کو بنارس کے للا پورہ علاقے میں مشعل جلوس نکالا گیا جو مختلف علاقوں میں اپنی مخالفت کا اظہار کر رہا تھا ساتھ ہی حکومت کے ذریعے کیے گئے وعدے کو پورا کرنے کا مطالبہ کیا گیا۔

ای ٹی وی بھارت سے بات کرتے ہوئے کہا بنکر ادھیکار دست کار منچ کے ریاستی صدر ادریس انصاری نے کہا کہ ریاستی حکومت نے تین ستمبر کو بنکرز برادران سے تین وعدہ کیا تھا اب تک ایک ماہ سے زائد ہوگیا ہے۔ لیکن حکومت نے پورا نہیں کیا ہے۔ آج بنکر آٹھ دن سے پاور لوم بند کر کے ہڑتال کررہے ہیں اور احتجاجی مظاہرہ بھی کررہے ہیں لیکن حکومت کوئی توجہ نہیں دے رہی ہے۔

انہوں نے کہا کہ جب تک مطالبات تسلیم نہیں کیے جاتے اس وقت تک بنکرز ہڑتال واپس نہیں لیں گے۔ بنکرز ہر پریشانیوں کا سامنا کرنے کے لیے تیار ہیں۔