ملک کے اندر سرکاری اور غیر سرکاری ہسپتال میں مریضوں کو جگہ نہیں مل رہی ہے۔ لوگ ڈاکٹروں، ادویات کی کمی باعث دم توڑ رہے ہیں۔ ہستپالوں میں سیاسی اور سماجی رہنماؤں کو معائنہ کرتے ہوئے آپ ضرور دیکھیں ہوں گے لیکن کیا آپ نے کبھی بھینس کو ہسپتال کا دورہ کرتے ہوئے دیکھا ہے؟ تو جواب ہوگا نہیں، لیکن اتر پردیش کے رام پور ضلع سے ایک ویڈیو سامنے آئی ہیں جس میں ایک بھینس کو اسپتال میں انتہائی سکون و اطمینان کے ساتھ گھومتے ہوئے دیکھا جاسکتا ہے۔
اتر پردیش کی یوگی سرکار دعوی کر رہی ہے کہ ریاست میں ہسپتالوں کی حالت بہتر ہے اور کورونا سے جنگ لڑنے کے لئے پوری طرح تیار ہے۔ لیکن ہسپتال میں بڑے ہی آرام سے، جس طرح کوئی آفیسر ہسپتال کا معائنہ کرتے ہیں ٹھیک اسی طرح بھینس بھی معائنہ کرتے ہوئے نظر آ رہی ہے، سبھی وارڈ میں جاکر دیکھتی ہیں اور پھر آرام سے باہر نکل آتی ہے۔
اس بارے میں جب ای ٹی وی نمائندہ نے محکمہ صحت کے افسران سے فون پر بات کرنے کی کوشش کی تو کوئی کچھ بھی بولنے کو تیار نہیں ہوئے۔ بہرحال افسران بعد میں کچھ بھی بولے لیکن بھینس ہسپتال کی موجودہ سچائی کو بیاں کر رہی ہیں۔