بدایوں : سرکاری ہسپتال میں پینے کے پانی کی عدم دستیابی

اسپتال انتظامیہ کا کہنا ہے کہ اس حوالے سے نگر پالیکا پریشر ککرالہ کو درخواست دی گئی ہے اور ردعمل کا انتظار ہے۔

ریاست اترپردیش کے ضلع بدایوں میں اقلیتی آبادی والے قصبہ ککرالہ میں سرکاری اسپتال کے باہر نصب پانی کے فریزر کا آر او مسلسل کئی ماہ سے خراب ہے لیکن اس خراب آر او سے ہونے والی پریشانیوں کے باوجود بھی اس کی مرمت نہیں کی گئی ہے۔

وہیں اسپتال میں موجود ذمہ دار افسر یعنی اسپتال انتظامیہ کے سربراہ سے اس خراب آر او کے حوالے سے جب سوال پوچھا گیا تو انہوں نے کہا کہ 'اس حوالے سے نگر پالیکا پریشر ککرالہ کو درخواست دی گئی ہے اور ردعمل کا انتظار ہے۔ ہم اس کے لیے دوبارہ کوشش کریں گے'۔

واضح رہے کہ آف دی ریکارڈ لوگوں سے بات کرنے کے بعد ایسا محسوس ہوتا ہے کہ یہاں کے عوام میں زیادہ تر آبادی اقلیتی طبقے سے تعلق رکھتی ہے اور لوگ حکومت یا انتظامیہ کے خلاف کچھ بھی کہنے سے ججھکتے ہیں۔