اتحادی پارٹیوں کی انتخابی مہم کا آغاز

دیوبند پارلیمانی حلقہ آئندہ عام انتخابات کے لیے بے حد خاص ہو چکا ہے۔ اس ضلع سے جہاں ایک جانب بی جے پی نے اپنا انتخابی بگل بجایا ہے تو وہیں اتحادی پارٹیوں نے بھی اسی ضلع سے اپنی انتخابی مہم کی شروعات کر دی ہے۔

دارالعلوم دیوبند جو اپنی دینی درسگاہ اور دینی تعلیم کے لیے پوری دنیا میں مشہور و معروف ہے اسی ضلع سے اترپردیش کی اتحاد والی پارٹیوں نے اپنے انتخابی مہم کی شروعات کر دی ہے۔

قاسم پورہ روڈ پر اتحاد والی پارٹیوں نے ایک جلسے کا انعقاد کیا ہے۔جلسے کے لیے سارے انتظامات کئے جا رہے ہیں۔ سات اپریل کو بہوجن سماج پارٹی کی سربراہ مایاوتی، سماجوادی پارٹی کے سربراہ اکھیلیش یادو اور را لود کے سربراہ اجیت سنگھ دیوبند سے انتخابی مہم کا آغاز کریں گے۔