مایاوتی نے جاری بیان میں کہا کہ مال گاڑی کے ذریعہ روندے جانے سے گھروںکو پیدل لوٹنے کو مجبور 19 مزدوروں کی ہلاکت کافی تکلیف دہ ہے۔
بہوجن سماج پارٹی(بی ایس پی) کی سربراہ مایاوتی نے مہاراشٹرا کے اورنگ آباد میں مال گاڑی کی زد میں آنے سے مہاجر مزدوروں کی ہوئی ہلاکت پر اپنے رنج کا اظہا کیا۔
مایوتی نے کہا کہ یہ سب مرکزی او ریاستی حکومتوں کی مزدوروں کی تئیں لاپرواہی اور بے حسی نتیجہ ہے۔
انہوں نے کہا کہ ایک طرف حکومت بھوکے ولاچار لاکھوں مہاجر مزدوروں کے ساتھ غیر انسانی رویہ کا مظاہرہ کرتے ہوئے اضافہ شدہ کرائی وصول رہی ہے تو دوسری طرف امیروں کے لئے رحم دل بنی ہوئی ہے۔
بی ایس پی سپریمو نے کہا کہ ایسے میں قدرت سے دعا ہے کہ وہ متاثرہ کنبوں کو اس دکھ کی گھڑی کو برداشت کرنے کی طاقت دے۔انہوں نے کہا کہ مرکزی و ریاستی حکومتیں اس طرح کی دردناک حادثات کو پوری سنجیدگی سے لیں۔ متاثرہ کنبوں کی پوری مالی مدد کریں اور لاک ڈاؤن کی وجہ سے بدحال مہاجر مزدوروں کے لئے ریل،ب س وہوائی کرایہ کا مفت انتظام کر کے ان کو ان کے گھروں تک بحفاظت پہنچائیں۔
مایاوتی نے کہا کہ بڑے گھروں کے بچوں کو ان کے گھروں تک پہنچانے کے لیے تو حکومت نے ہر طرح کی مفت سہولیات وغیرہ کافی حد تک دستیاب کرارہی ہے ۔ لیکن غریب مہاجر مزدوروںکے لئے ہاتھ پر ہاتھ رکھ کر بیٹھی ہے۔
:
